Uko wahagera

Uganda: Ubwicanyi mu Nkambi ya Rucyinga Buhangayikishije Impunzi


Impunzi zo mu nkambi ya cyangwali muri Uganda

Zimwe muri izi mpunzi z'Abarundi zabwiye Ijwi ry'Amerika ko ikibateye ubwoba ari uko polisi ikora amaperereza ariko ntitange raporo zayo cyangwa ngo imvano y'iryo hohoterwa imenyekane.

Impunzi zituye mu nkambi ya Rucyinga mu burengerazuba bw’i gihugu cya Uganda zihangayikishijhwe n'iyicwa rya bamwe muri bagenzi babo bavuga ko ritumvikana. Izo mpunzi zabwiye Ijwi rya Amerika ko muri uyu mwaka wonyine hamaze kwicwa impunzi eshatu, ariko abazica ntibamenyekane.

Zimwe muri izi mpunzi z'Abarundi zabwiye Ijwi rya Amerika ko ikibateye ubwoba ari uko polisi ikora amaperereza ariko ntitange raporo zayo cyangwa ngo imvano y'iryo hohoterwa imenyekane.

Zivuga ko ahanini abakora ubwo bwicanyi basanga izo mpunzi mu kazi kabo gasanzwe. Urugero ni nk'abatwara abagenzi ku mapikipiki babageza ahantu hatari abantu bakabahindukirana bakabica.

Ijwi ry’Amerika ryahamagaye uhagarariye ishami ry’umuryango w’abibumbye ryita ku mpunzi HCR, muri ako karere k’uburengerazuba bwa Uganda, yemeza amakuru yiyicwa ry’impunzi imwe yonyine. Yavuze ko iyo nkambi ya Rucyinga ari imwe mu nkambi zifite umutekano mwiza cyane mu gihugu. Cyakora yemeje ko polisi iri mu iperereza ryerekeye iyicwa ry'iyo mpunzi iherutse kuhagwa.

Icyakora izo mpunzi zavuganye n’Ijwi ry’Amerika, zivuga ko kuba hari bagenzi babo bamaze kwicwa n’abantu bataramenyekana bibateye ubwoba bwinshi cyane.

Ijwi ry'Amerika ryahamagaye ushinzwe umutekano w’impunzi mu kigo cya leta kizishinzwe bwana Douglas Asimwe avuga ko ayo makuru ari ntacyo ayazi ho. Ijwi ry'Amerika kandi ryagerageje gushakisha kuri telefoni ukuriye polisi mu gace byabereyemo ariko ntibyakunda.

Facebook Forum

XS
SM
MD
LG