Uko wahagera

Ubutaliyani Bwirukanye Abadipolomate b'Uburusiya Bubarega Kuneka


Perezida Sergio Mattarella w'Ubutaliyani na Vladimir Putin w'Uburusiya

Minisiteri y'ububanyi n'amahanga y'Ubutaliyani yahamagaje byihutirwa ambasaderi w'Uburusiya, Sergey Razov, kugirango imubwire ko ibyo abadipolomate be bakoze "bikomeye kandi bidashobora kwihanganirwa."

Guverinoma y'Ubutaliyani yirukanye abadipolomate babiri b'Uburusiya. Irabarega kuneka.

Umwe muri aba badipolomate ni umusirikari wo mu rwego rwo hejuru ukora mu biro by'intumwa y'ingabo z'Uburusiya muri ambasade yabwo i Roma. Ubutaliyani buvuga ko ejo nijoro abapolisi bamufashe arimo yakira impapuro z'amabanga akomeye.

Yarimo azihabwa n'umusirikari w'ingabo z'Ubutaliyani zirwanira mu mazi, ufite ipeti rya "Capitaine de Fregate," ringana n'irya Lieutenant-Colonel ry'ingabo zirwanira ku butaka. Uyu nawe yatawe muri yombi, arafungwa.

Ubutaliyani buvuga ko umudipolomate wa kabiri nawe abifitemo uruhare, ariko ntibusobanura urwo ari rwo.

Minisiteri y'ububanyi n'amahanga y'Ubutaliyani yahamagaje byihutirwa ambasaderi w'Uburusiya, Sergey Razov, kugirango imubwire ko iby'abadipolomate be bakoze "bikomeye kandi bidashobora kwihanganirwa.

Ikigo ntaramakuru Interfax cy'i Moscou cyatangaje ko Uburusiya nabwo buzirukana abadipolomate babiri b'Ubutaliyani. Naho ibitangazamakuru byo mu Butaliyani bivuga ko ari ubwa mbere ibibazo byo kuneka bikomeye biturutse ku Burusiya nyuma y'Intambara y'Ubutita.

Facebook Forum

XS
SM
MD
LG