Ubushinnwa, Uburusiya na Leta zunze ubumwe z'Amerika byari byavuze ko bitazitabira iyi gahunda yo gufasha bibiri bya gatatu by'abatuye isi kuzaba babonye inkingo mu mwaka wa 2022.
Ubushinwa bubaye igihugu cya mbere cy'igihangange cyisubiyeho ku masezerano yo gusaranganya urukingo rwa Covid 19 yari yiswe COVAX.
Umuvugizi wa ministeri y'ububanyi n'amahanga y'Ubushinwa Hua Chunying, yavuze ko icyo cyemezo bwagifashe kugira ngo habeho uburinganire mu isaranganywa ry'inkingo z'icyo cyorezo mu bihugu bikiri mu nzira y'amajyambere. Yavuze ko bizera ko n'ibidi bihugu bibifitiye ubushobozi bitazazuyaza kubikora uko.
Ubushakashatsi bwakozwe na kaminuza ya Johns Hopkins yo muri Amerika bwerekana ko hirya no hino ku isi abantu barenga miliyoni 36 bamaze kwandura virusi ya Corona. Leta zunze ubumwe z’Amerika, Ubuhinde na Bresil ni byo biri ku isonga mu kugira umubare munini w'abanduye.
Ministeri y'ubuzima mu Buhinde yatangaje ko mu gihe cy'amasaha 24 gusa, habonetse abantu 70,000 bashya banduye iyo ndwara. Amerika ibarura abarenga miliyoni indwi bamaze kwandura. Abarenga 202,000 bamaze guhitanwa na Covid 19.
Facebook Forum