Uko wahagera

Ubushinwa Bwiyemeje Guha Afghanistani Inkingo za COVID-19


Inkingo za Sinopharm zakozwe n'Ubushinwa

Ubushinwa bwiyemeje guha Afghanistani inkingo 400,000 za COVID-19, mu rwego rwo gutiza umurindi gahunda y’inkingo yatangiye mu cyumweru gishize. Ambasaderi w’Ubushinwa i Kabul yabivugiye mu nama yagiranye n’abayobozi bashinzwe ubuzima muri Afuganistani.

Ushinzwe programu y’ikingira muri minisitiri w’ubuzima yavuze ko inkingo za Sinopharm zakorewe mu Bushinwa zemejwe n’ishami rya ONU ryita ku buzima OMS, ariko ko igihe zizabonekera kitari cyamenyekana. Yavuze ko kugeza ubu, abakozi bo mu buvuzi barenga gato 12,000 aribo bahawe inkingo mu ntara zose 34 z’Afghanistani.

Gukingira abashinzwe umutekano nabyo byaratangiye nk’uko undi mutegetsi utashatse ko amazina ye atangazwa yabibwiye itangazamakuru. Afuganistani yabaruwemo abantu 55,733 banduye virusi ya Corona n’i 2,444 bapfuye. Cyakora impuguke zivuga ko imibare yose idatangazwa bitewe n’uko abapimwa ari bake kandi no kugera ku bigo by’ubuzima bitoroshye mu gihugu cyogogojwe n’intambara.

Ingabo za guverinema y’Afuganistani zibasiwe n’ibitero byamaganirwa ku nyeshyamba z’abatalibani kuva mu kwezi kwa cyenda, ubwo impande zose zinjiraga mu biganiro zafashijwemo na Leta zunze ubumwe z’Amerika byabereye i Qatar. Abatalibani bakunze guhakana uruhare muri urwo rugomo. Uwo mutwe w’abarwanyi wanavuze ko ushyigikiye gahunda y’ikingira.

Facebook Forum

XS
SM
MD
LG