Mu gitondo cyo kuri uyu wa Gatanu, urwego rw’ubugenzacyaha mu Rwanda RIB rwerekanye abantu 57 ruvuga ko bahoze mu mitwe yitwara gisirikare irwanya ubutegetsi bw’u Rwanda ibarizwa mu mashyamba ya Repubulika ya Demokarasi ya Congo. Bamwe mu bafashwe bemereye itangazamakuru ko babarizwaga mu mitwe bashinjwa kubamo. Abakuru mu bafashwe ni abasirikare bakuru batanu bari bafite ipeti rya Jenerali. Biteganyijwe ko bamwe bazaburanira mu nkiko za gisirikare abandi mu nkiko za gisivili ku byaha byo gushaka guhirika ubutegetsi.
Mu bafashwe uko ari 57 urwego rw’ubugenzacyaha mu Rwanda rwavuze ko bazaburanishirizwa mu nkiko zitandukanye ku byaha bakurikirinyweho. Rwavuze ko 34 bo mu mpuzamashyaka P5 na RUD-URUNANA bazashyikirizwa ubushinjacyaha bwa gisirikare kubera ko hari n’abandi bafashwe mu minsi ishize bigaragara ko ibyaha bakekwaho babikoranye n’abasirikare mu gihe abandi 23 bo mu mpuzamashyaka MRCD-FLN na FDLR-FOKA bo bazashyikirizwa ubushinjacyaha bwa gisivili.
Umunyamakuru w'Ijwi ry'Amerika Eric Bagiruwubusa wakurikiranye iyi nkuru, yafashe amajwi y'umuvugizi wa RIB wemeza amapeti yabo. .
Facebook Forum