Uko wahagera

Turukiya Yataye muri Yompi Umugore wa Al-Baghdadi


Abu Bakr al-Baghdadi

Perezida Tayyip Erdogan wa Turkiya yemeje ko igisirikari cy’igihugu cye cyataye muri yombi umugore w’uwari umuyobozi w’umutwe w’intagondwa wa leta ya kiyisilamu Abu Bakr al-Baghdadi.

Avugira kuri televiziyo y’igihugu mu mujyi wa Ankara, Perezida Erdogan yagize ati “Twafashe umugore we na mushiki we, ariko ntitwigeze tubikabiriza nk’uko abandi baherutse kubikora.”

Abo avuga ni Leta zunze ubumwe z’Amerika ubwo ingabo zayo zari zimaze kugaba ibitero byaviriyemo al-Baghdadi kwiyica. Perezida Trump yafashe urupfu rwe rwafashwe nk’itsinzi ikomeye.

Perezida wa Turukiya ntiyigeze asobanura mu buryo burambuye uko umugore wa al-Baghadadi yatawe muri yombi.

Kuwa kabiri abategetsi muri Turukiya bari batangaje ko bataye muri yombi mushiki wa al-Baghdadi, umugabo we n’umwana wabo.

Umwe mu bategetsi muri icyo gihugu yavuze ko mushiki wa al- Baghadadi witwa Rasmiya Awad w’imyaka 65, yafatiwe mu gitero cyagabwe mu gace kayobora n’ingabo za Turukiya kari mu ntara ya Aleppo.

Nyuma y’urupfu rwa al-Baghdadi, umutwe yari ayoboye wa leta ya kiyisilamu wahise utangaza ko Abu Ibrahim al-Hashemi al-Qurayshi ari we muyobozi mushya w’uwo mutwe.

Al-Baghdadi yayoboye leta ya kiyisilamu kuva mu mwaka wa 2014.

Facebook Forum

XS
SM
MD
LG