Uko wahagera

Turukiya Irateganya Kwohereza Ingabo muri Libiya


Perezida wa Turukiya Recep Tayyip Erdogan

Perezida wa Turkia Recep Tayyip Erdogan yavuze ko abadepite bazatora mu ntangiriro z’uyu mwaka utaha, amategeko atanga uburenganzira bwo kwohereza abasilikare muri Libiya bo gutera ingabo mu bitugu, guverinema y’i Tripoli ishyigikiwe na ONU.

Erdogan yavuze ko inteko ishinga amategeko ishobora kuzatora kw’italiki ya munani cyangwa iya cyenda z’ukwezi kwa mbere, ubwo bazaba bavuye mu kiruhuko. Ishyaka rye rifite ubwiganze mu nteko, bityo rero kwemeza ayo mategeko bisa n’ibizashoboka n’ubwo ishyaka nini ritavuga rumwe n’ubutegetsi ririmo kuvuga ko ridashyigikiye uruhare rwa gisilikare muri Libiya.

Erdogan yavuze ibyo bije bikurikira icyifuzo cya minisitiri w’Intebe wa Libya, Fayez Sarraj, wari wabisabye. Abayobozi bombi basinye amasezerano yerekeye umutekano mu kwezi gushize, Istanbul.

Guverinema ya Sarraj yavuye ku masezerano y’igihugu, ihanganye n’ibitero birangajwe imbere na Khalifa Hifter, uyoboye uburasirazuba bwa Libiya, ushaka kwigarurira Tripoli.

Guverinema ya Sarraj n’iya Hifter bahanganye mu Burasirazuba bwa Libiya, zishyigikiwe n’imitwe y’abarwanyi itandukanye, hamwe na za guverinema z’amahanga. Umutekano w’igihugu cya Libya wahungabanye mu gihugu kuva mu 2011, ubwo Moammar Gadhafi yakurwaga ku buyobozi.

Facebook Forum

XS
SM
MD
LG