Perezida wa Tanzaniya John Pombe Magufuli, yatangajwe ko ari we wegukanye intsinzi mw’itora rusange mu gihugu na 84 kw’ijana by’amajwi. Ni amajwi angana na 12.516.252 batoye kuwa gatatu.
Uwo bari bahanganye wari umuri hafi, Tundu Lissu w’ishyaka Chadema yabonye amajwi 1.933.271. Nk’uko komisiyo y'igihugu y’amatora (NEC) ibivuga, abantu barenga gato icyakabiri cya 29.754.699 biyandikishirije gutora. Iyi ntsinzihaye ihaye amahirwe Perezida Magufuli yo kubona manda ya kabiri y’imyaka itanu n’ishyaka rye CCM yo kuyobora igihugu. Iri shyaka riri ku buyobozi kuva igihugu kibonye ubwigenge mu myaka 59 ishize.
Ishyaka CCM ryanatsinze ku buryo busesuye itora ry’abadepite mu nteko ishinga amategeko.
Ryanegukanye ubuyobozi bw’ikirwa cya Zanzibar gifite ubwigenge bucagase, aho Hussein Mwinyi, umuhungu wa Ali Hassan Mwinyi, wahoze ari perezida wa Tanzaniya yatangajwe kuwa kane ko yatsinze na 72 kw’ijana by’amajwi. Abatavuga rumwe n’ubutegetsi, hombi muri Tanzaniya na Zanzibar, banze kwemera amajwi yatangajwe. Bavuga ko amatora yaranzwe cyane n’ubumamyi bw’amajwi, gutera ubwoba n’ibindi bikorwa bidashirwa amakenga.
Facebook Forum