Uko wahagera

Tanzaniya Ikomeje Kwagirizwa Guhisha Amakuru ya COVID19


Ikigo cy'Afrika gishinzwe kurwanya no gukumira indwara, Africa CDC, kirasaba Tanzaniya kugaragaza amakuru yayo ku cyorezo cya virusi ya Corona.

Leta ya Tanzaniya ivuga ko abantu banduye virusi ya Corona muri iki gihugu ari 509. Abanyapolitiki batavuga rumwe na guverinoma bo bemeza ko abayirwaye ari ibihumbi n'ibihumbi.

Perezida John Magufuli avuga ko "batsinze icyorezo cya virusi Corona ku bubasha bw'Imana." Umuyobozi wa Africa CDC, John Nkengasong, yatangaje uyu munsi ko Tanzania ikwiye gutangaza imibare nyayo y'abantu bakozweho na Covid-19, ati: "N'ubwo bwose Perezida Magufuli avuga ko barangije kuyihashya."

Dr. Nkengasong asobanura ko Tanzaniya itongeye gutanga bene aya makuru kuva mu kwezi kwa kane gushize.

Africa CDC ifite icyicaro gikuru mu Muryango w'Afrika yunze ubumwe i Addis-Abeba muri Ethiopia.

Facebook Forum

XS
SM
MD
LG