Mw’ijambo rye yimikwa mu rusengero "the Ruwanwell Seya Buddhist Temple", ruri mu ntara y’amajyaruguru yo hagati mu gihugu, Gotabaya Rajapaksa yahamagariye Abatamil bagize ubuke bw’abaturage hamwe n’imiryango y’Abayisilamu batamutoye, gukorana nawe.
Abatamil hamwe n’iyo miryango y’abayisilamu bumvikanishije impungenge mu gihe cyo kwiyamamaza, zirebana n’intsinzi ya Rajapaksa, wahoze ari umutegetsi muri minisiteri y’ingabo ubwo umuvadimwe Mahinda Rajapaksa yari perezida.
Perezida mushya mu ijambo rye kuri yu wa mbere, yijeje ko ku buyobozi bwe, azashyira imbere umutekano w’igihugu.
Sri Lanka yashegeshwe n’ibitero byatwaye ubuzima bw’abantu, bisa n’ibya bombe z’abiyahuzi b’umutwe wa leta ya Kiyisilamu byabaye ku munsi wa Pasika bigahitana abantu 269.
Uwo muyobozi ufite imyaka 70 y’amavuko, Gotabaya Rajapaksa yayoboye urugamba rwatsinze ingabo z’Abatamil bitandukanyije, mu myaka 10 ishize.
Rajapaksa yari ahanganye mu matora yo kuwa gatandatu na Sajith Premadasa, w’imyaka 52 y’amavuko. Ni umuhungu wa Ranasinghe Premadasa wahoze ari perezida, wishwe.
Facebook Forum