Urukiko rwisumbuye rwa Gasabo, bwambere rwatangiye kuburanisha itsinda ry’abantu 17 bakurikiranweho guhungabanya umutekano w’igihugu, baburanaga ku ifatwa n’ifungwa ry’agateganyo.
Yaba itangazamakuru ndetse n’abantu benshi bari baje kumva urubanza nta numwe wabashije gukomeza kumva uko urubanza rugenda, kuko ubushinjacyaha bwasabye ko urubanza rwabera mu muhezo. Rwasobanuye ko abaregwa bakurikiranweho ibyaha bikomeye birimo ibyo guhungabanya umudendezo w’igihugu, bityo ko kuburanishirizwa mu ruhamwe byakwica iperereza rigikomeza.
Umucamanza yashimangiye ubusabe bw'ubushinjacyaha maze ategeka ko urubanza rwabera mu muhezo, kugirango birinde imidugararo.
Umunyamakuru w'Ijwi ry'Amerika Assumpta Kaboyi yakurikiranye iyi nkuru mu rukiko.
