Uko wahagera

Repubulika ya Tanzaniya Yunze Ubumwe Irakwije Imyaka 57 Ivutse


Prezida wa Tanzaniya Samia Suluhu Hassan

Minisitiri w'ububanyi n'amahanga wa Leta zunze ubumwe z'Amerika, Antony Blinken, yoherereje Tanzaniya ubutumwa bw'ishimwe ku isabukuru y'imyaka 57 ishize Tanzaniya ivutse.

Mu itangazo yashyize ahagaragara, Blinken yanditse, ati: "Mu izina rya Leta zunze ubumwe z'Amerika n'abaturage bayo, ndashima abaturage ba Tanzaniya kuri iyi sabukuru. Uyu munsi w'ibirori ni ikimenyetso cy'ibyo dushobora kugeraho iyo dukoreye hamwe. Nifurije abaturage ba Tanzaniya amahoro, ishya n'ihirwe, n'ubuzima buzira umuze."

Repubulika ya Tanzaniya yunze ubumwe yavutse ku itariki ya 26 y'ukwezi kwa kane 1964 Tanganyika na Zanzibar bishyizwe hamwe. Tanganyika yari yarabonye ubwigenge mu 1961, naho Zanzibar ibubona mu 1963.

Uyu munsi w'isabukuru y'ivuka rya Tanzania, witwa Tanzania Union Day, utandukanye n'umunsi w'ubwigenge bwa Tanzania. Wo wizihizwa ku italiki ya 9 y'ukwezi kwa 12 buri mwaka. Yombi ni iminsi y'ikiruhuko muri Tanzaniya.

Amasezerano yo kwishyira hamwe no gukora igihugu kimwe yashyizweho umukono na perezida wa mbere wa Tanganyika, Julius Nyerere, na perezida wa mbere wa Zanzibar Abeid Karume, ku itariki ya 22 y'ukwa kane 1964. Yagiye mu bikorwa amaze kwemezwa burundu n'inteko zishinga amategeko z'ibihugu byombi ku itariki ya 26 y'ukwa kane 1964. Nyerere yahise aba perezida wa mbere w'igihugu gishya, Tanzaniya, naho Karume aba visi-perezida wa mbere.

Facebook Forum

XS
SM
MD
LG