Nkuko bitangazwa n'ibiro ntaramakuru by'Abanyamerika, Associated Press, abanyamakuru bari aho byabereye, babonye abapolisi bakwira hirya no hino muri ako gace, barahagota babuza abantu kuhinjira.
Polisi iravuga ko mu ikubitiro yari yaketse ko abakomerekeje abo bantu ari babiri ariko iza gusanga byakozwe n'umuntu umwe. Uwo watawe muri yombi afungiye hafi y'inyubako ya Bastille mu burasirazuba bw'umurwa mukuru Paris.
Ntibiramenyekana niba ibyabaye bifitanye isano n'igitero intagondwa z'Abaisilamu zagabye ku kinyamakuru Charlie Hebdo mu mwaka wa 2015 kigahitana abantu 12.
Ministri w'Intebe w'Ubufaransa Jean Castex yasubitse ikitaraganya uruzinduko yateganyaga kugirira mu majyaruguru y'umujyi wa Paris ngo akurikiranire hafi iby'icyo kibazo.
Ibi bibaye mu gihe byari bitegenijwe ko abapfakajwe n'igitero cyagabwe ku kinyamakuru Charlie Hebdo mu mwaka wa 2015 bari butange ubuhamya mu rubanza rw'abantu 14 bakekwaho icyo cyaha rwabaye kuri uyu wa gatanu.
Facebook Forum