Uko wahagera

Perezida Trump Yaburiye Koreya ya Ruguru


Perezida Donald Trump wa Leta zunze ubumwe z’Amerika yaburiye Perezida Kim Jong Un wa Koreya ya Ruguru ko ibikorwa bya gisirikare bigamije ubushotoranyi bishobora kumuteza akaga.

Ibyo yabivuze nyuma yaho Pyongyang itangarije ko yakoze igerageza ry’ingenzi aho boherereza ibyogajuru mu kirere. Perezida Trump yavuze ko Koreya ya Ruguru igomba kubahiriza amasezerano yasinyanye na Leta zunze ubumwe z’Amerika muri Singapore. Yavuze ko Amerika, Uburayi, Uburusiya, Ubuyapani ndetse n’isi yose bivuga rumwe ku birebana n’ikoreshwa ry’ibisasu bya kirimbuzi.

Ibyo Perezida Trump yabivuze nyuma yuko humvikanye amakuru ko hari igerageza ryakozwe kuwa gatandatu ahitwa Sohae basanzwe boherereza ibyogajuru mu kirere. Byabereye hafi y’agace ka Tongch'ang-ri, ko mu ntarya ya Pyongang y’amajyaruguru hafi y’umupaka icyo gihugu gihana n’Ubushinwa.

Itangazamakuru rya Leta ya Korea ya Ruguru ryavuze ko iryo geragezwa ryabereye ahasanzwe hakorerwa iry’ibisasu birasa kure rizagira byinshi rihindura ku buryo icyo gihugu gihagaze mu ruhando rw’ibindi. Gusa icyageragezwaga nticyatangajwe.

Facebook Forum

XS
SM
MD
LG