Mu Rwanda, inama y’igihugu cya cyenda y’umushyikirano yasoje imirimo yayo kuwa gatanu. Mu muhango wo kuyitangiza kuwa kane, perezida w’u Rwanda Paul Kagame yasabye abanyarwanda gufata umwanya bagasubiza ibibazo byibazwa n’abanyamahanga.
Mw’ijambo rye kandi, perezida Kagame yaboneyeho umwanya wo kunenga abo yise abanyamahanga batazi u Rwanda, itangazamakuru n’imiryango mpuzamahanga yita ku burenganzira bwa muntu, kubera ko bagaya ibyo u Rwanda rukora.
Mu kiganiro Dusangire Ijambo, umunyamakuru Etienne Karekezi yaganiye n’umunyamakuru Gakwaya Andre wa Rwanda News Agency ndetse n’umunyamakuru Assumani Niyonambaza wandikira Rugari.
