Uko wahagera

PAM Ivuga ko Imiriyoni 45 z'Abantu Bugarijwe n'Inzara kw'Isi


Bamwe mu banyagihugu ba Etiyopiya bahunze intambara basangira intica ntikize y'imfungurwa

PAM, Ishami ry'Umuryango w'Abibumbye ryita ku biribwa, itangaza ko abantu miliyoni 45 bugarijwe n'icyorezo cy'inzara ku isi. Kuri PAM, ikibazo gikomeye kiri muri Afuganisitani aho ifasha abaturage miliyoni 23. Uretse Afuganisitani, ibindi bihugu bikomerewe ni Yemeni, Siriya, Somaliya, Etiyopiya, Angola, Kenya, Uburundi na Haiti. Impamvu z'inzara ni intambara cyane cyane, ziyongeraho impinduka z'ibihe, na Covid-19.

Nk'uko umuyobozi wa PAM, David Beasley, yabitangaje, izi mpamvu zose zatumye ibiciro bya lisensi zitwara ibinyabiziga, by'ibiribwa n'amafumbire byiyongera cyane bikabije. Ibi byose bifite ingaruka zikomeye cyane ku biribwa mu bihugu 43. Abugarijwe n'icyorezo cy'inzara biyongeraho miliyoni eshatu kuva mu ntangiliro z'uyu mwaka bagera kuri miliyoni 45 muri iki gihe.

PAM ivuga ko ababyeyi bageze aho bafata ibyemezo by'inshamugongo: bagurisha abana babo cyangwa bakabashyingira ari bato, babakura mu mashuli, babagaburira ibyatsi n'udusimba ubusanzwe tutaribwa.

Kugirango PAM ibashe kubagoboka ikeneye amadolari miliyari zirindwi. Ariko ntizi aho yayakura, kubera ko "uburyo busanzwe bwarengewe n'ibibazo by'insobe" nk'uko ibosobanura.

Facebook Forum

XS
SM
MD
LG