Uko wahagera

Ostraliya:Abagoswe na COVID-19 Bagiye Kubasha Gutahuka


Abantu bota akazuba ku nyanja ubwo leta ya Victorira yari itangiye kworoshya ingamba zafatiwe COVID-19

Ostraliya izemerera abandi baturage bayo baheze mu mahanga kubera COVID-19 gutahuka. Kugeza ubu mu cyumweru, mu gihugu hagera 4 000 bagomba guhita bajya mu kato k’iminsi 14 mw’ihoteli yabiteganyirijwe. Uwo mubare uzongerwaho abantu 1 500 hagati mu kwezi kwezi cumi. Keretse leta za New South Wales, Western Australia na Queensland zizawongeraho abandi 500 buri cyumweru.

COVID-19 yatumye abagenzi babarirwa mu bihumbi n’ibihumbi ba Australiya batabasha gusubira iwabo.

Hakurikijwe umugambi mushya bazabasha gutaha bitarenze itariki ya 12 y’ukwezi gutaha kwa 10.

Abategetsi bavuga ko izo ngamba zikenewe mu kurinda ubuzima bw’abaturage, ariko guverinema y’igihugu cyose, itekereza ko inzitizi zikaze kandi ko ziniga ubukungu bwagombye kwisubira nyuma y'icyorezo cya virusi ya corona.

Minisitiri w’intebe wa Tasmania, Peter Gutwein, avuga ko afite icyizere ko ingamba zizoroshywa kuri leta ye nk’ikirwa, mbere iy’igihe cyari cyatanzwe, aricyo tariki ya mbere y’ukwa 12.

Abategetsi baranasuzuma uburyo indege zasubukura ingendo n’igihugu cya Nouvele Zelande. Ibihugu byombi byafunze imipaka yabyo ku banyamahanga, n’ubwo abafite ubwene gihugu n’abafite icyemezo cyo gutura bo bashobora gusubira mu gihugu.

COVID-19 yabonetse bwa mbere muri Ostraliya mu mpera z’ukwezi kwa mbere. Abantu hafi 27 000 byemejwe ko banduye, abagera kuri 850 barapfuye. Abenshi mu banduye n’abapfuye ni abo muri leta ya Victoria n’ubwo umubare w’abandura ku munsi wagabanutse. Umurwa mukuru w’iyo leta, Melbourne, uracyari mu ngamba za guma mu rugo byibura ikindi cyumweru kimwe.

Facebook Forum

XS
SM
MD
LG