Uko wahagera

Nijeriya Ibandanya Kunebagurwa Kubera Kwugara Urubuga rwa Twitter


Perezida wa NNijeriya Muhammadu Buhari

Reta zunze ubumwe z’Amerika umuryango w’ubumwe bwa Buraya, Ubwongereza, Irlande na Canada baratera ivyatsi ingingo ya Nijeriya yo guhagarika ikoreshwa ry’urubuga rwa Twitter muri ico gihugu.

Mw’itangazo abaserukkra ivyo bihugu muri Nijeriya basohoreye hamwe bavuze ko ukwaka abanyagihugu uburenganzira bwo gushikiriza ivyiyumviro atari wo muti.

Nijeriya yafashe iyo ngingo inyuma yaho sosiyete ya Twitter ifuse ubutumwa Prezida Muhammadu Buhari yacishije kuri urwo rubuga, isigura ko ari ubutumwa bwari bunyuranye n’akarangamutima k’imikorere yarwo. Reta ya Nijeriya ntiyavuze ikiringo ino ngingo izomara.

Abandi bashikirije amakenga y’iharikwa ry’urwo rubuga barimwo abaharanira agateka ka zina muntu bavuze ko ibi bizotuma hari amakuru menshi abanyagihugi bataronka. Rusansuma yakozwe n’ikigo citwa NOI yerekana ko abanye Nijeriya bakoresha Twitter barenga imiriyoni 39.

  • 16x9 Image

    Diane Nininahazwe

    Diane Nininahazwe akorera igisata c'Ikirundi n'Ikinyarwanda kuva mu 2015. Imbere yo gutangura gukorera ku cicaro gikuru i Washington-DC nk'umumenyeshamakuru n'uwushinzwe imbuga ngurukanabumenyi z'ico gisata (Digital Lead), yakoreye Ijwi ry'Amerika mu Burundi, i Buraya ku murwa mukuru w'Ubudagi i Berlin, no mu gisagara ca Los Angeles muri Reta ya California iri mu burengero bushira ubumanuko bw'Amerika. Umwuga wo kumenyesha amakuru yawutanguye mu 2004 aho yakoreye ibimenyeshamakuru bitandukanye birimwo iradiyo yigenga Bonesha Fm n'ikimenyeshamakuru c'Abafaransa, Le Point Afrique. Imbere yo gukorera Ijwi ry'Amerika, Nininahazwe yarakoze nk'umumenyeshamakuru yigenga ibiganiro vy'amashirahamwe yigenga arimwo iryo mu Buholande, La Benevolencija, iry'Abanyamerika, PSI, iry'Abadagi, EIREN, na CED-Caritas Burundi. Kuva mu 2011, ari mu murwi w'abamenyeshamakuru igisata ca ONU kiraba ivy'ubutunzi, UNECA, gikoresha nk'abigenga mu gukurikirana amanama mpuzamakungu ku vy'ihindagurika ry'ibihe n'iterambere rirama. Afise impamyabushobozi ya kaminuza mu gisata co kumenyesha amakuru mu bijanye n'iterambere (Communication Pour le Développement), n'urupapuro mu vy'umwuga wo kumenyesha amakuru muri rusangi (Multimedia Journalism). Amaze gutahukana ubushimwe butandukanye mu vy'ukumenyesha amakuru burimwo bubiri mpuzamakungu.

Facebook Forum

XS
SM
MD
LG