Uko wahagera

Nijeriya: Abafashe Bunyago Abana 80 Barasaba Incungu y'Amafaranga


Umubyeyi washoberewe hanze y'ishuli rikuru ry'Ababatisita aho amabandi yakuye abana abafata bunyago mu ntara ya kaduna mu majyaruguru ya Nijeriya

Muri Nijeriya, abafashe bunyago abana b'abanyeshuli 80 mu majyaruguru y'igihugu barasaba incungu y'amafaranga kugira ngo babarekure.

Nkuko bitangazwa n'umupasitori uri mu mishyikirano n'abafashe bunyago abo bana b'abanyeshuli, barasaba amafaranga agera kuri miliyoni y'ama Naira akoreshwa muri Nijeriya, kugira ngo babarekure. Babafashe bunyago mu kwezi gushize babakuye mu ishuri biga bararamo mu majyaruguru y'igihugu.

Kuva mu kwezi kwa cumi n'abiri, iki gitero cyagabwe ku ishuri ryisumbuye ry'Ababatisita ryitwa Beteli mu ntara ya Kaduna kibaye icya 10 abafata abantu bunyago bagabye mu majyaruguru ashyira uburengerazuba bw'igihugu basaba incungu y'amafaranga ngo barekure abo bafashe.

Mu kwezi gushize ayo mabandi yarekuye abanyeshuli 28 hashize iminsi ibiri babafashe bunyago ariko abandi 81 baracyari mu maboko yayo.

Ubutegetsi bwo muri Nijeriya buvuga ko iri fata bunyago rikorwa n'amabandi yitwaje intwaro agamije kwaka incungu y'amafaranga.

Amashuli yo mu majyaruguru ya Nijeriya amaze kuba isibaniro ry'amatsinda y'abitwaje intwaro afata abantu bunyago agamije gusaba incungu y'amafaranga. Byatangiwe bwa mbere n'itsinda ry'umutwe w'Abajihadiste ba Boko Haram ariko ubu biragenda bikwira mu yindi mitwe y'abagizi ba nabi bitwaje intwaro.

Facebook Forum

XS
SM
MD
LG