Perezida wa Uganda Yoweri Museveni yavuze ko mu mpera z'uyu mwaka igihugu cye gishobora kuba cyatangiye gukora urukingo rwa Covid-19. Museveni yabitangaje igihe yariko yerekana aho igihugu ciwe kigejeje urugamba rwo kurwanya ikiza ca Covid-19. Abitangaza yasiguye ko atari vyiza kurindira inkingo ziva mu mahanga ku cyorezo nk'iki cya Virusi ya Corona.
Perezida Museveni yavuze ko abahanga mu bya Science mu gihugu bazatangira gupima urwo rukingo rukorewe muri Uganda ku nyamaswa mu bihe bitari ibya kure, inyuma y'amezi abiri batangire kurupima mu bantu.
Yavuze ko ibihugu birimo gukora inkingo zitandukanye za Covid 19 nk’ubuhinde ari bimwe mu bifite imibare myinshi cyane kw’isi yabanduye icyo cyorezo, akaba rero nabo bari kurwana urugamba rwo kuvura abantu babo bityo akaba atari byiza kubyizera mu gihe cy’icyorezo nka Corona cyandura nk’umuriro w’uruhira.
Perezida Museveni yongeye atangaza ko hari umuti gakondo ukozwe mu mbuto n’ibindi biti abahanga muri Uganda bavumbuye kandi ukaba umaze kuvura 80 kw’ijana ry’abantu bawuhawe bwa mbere, akaba bategereje kugira ngo umubare w’uwo muti uzavura ugere ku rwego rwemerwa n’abaganga kugira ngo wemezwe nk'uvura Covid-19.
Nyamara nubwo ibi byose leta irimo kubikora, Museveni yashimangiye ko gahunda zo gukingira abanyagihugu cyane cyane abakora akazi kabahuza n’abantu benshi nkabo mu by'ubuzima, ndetse n’abarengeje imyaka 50 y’ubukuru zigikomeje kandi ko mu mpera z’ukwezi gutaha ministeri ishinzwe amagara y’abantu izaba imaze kuzana mu gihugu izindi nkingo zigera ku miriyoni eshanu zo gukomeza n’iyi gahunda.
Perezida Museveni yanatangaje ko n'ubwo imibare y’abandura Covid-19 mu gihugu yagabanutse cyane, ibintu bikimeze nabi kuko hamaze kugaragaramo andi moko y’iyo virusi atandukanye, atanga gasopo ku banyagihugu ko bakwiye gukomeza kubahiriza ingamba zo kwirinda ari zo kwambara udupfuka munwa, gukaraba intoki, no kwirinda amahuriro y’abantu benshi.
Ni muri urwo rwego, Museveni yategetse inzego zishinzwe umutekano gukaza umurego wo kureba ko abanyagihugu bubahiriza ayo mabwiriza arimo n’umukwabu uhera sa tatu z’ijoro kugera saa 11 n'igice zo mu gitondo.
Yanze icyifuzo cyabafite ububari n’inzu z'ububyiniro, n’abakora akazi kajyanye n’imyidagaduro cyo kugira ngo nabo babe bafungurirwa bakongera gukora, yavuze ko ibikorwa byose bibamo kunywa inzoga batabyemerera gusubukura akazi ubu ngubu kuko abasinzi batashobora kubahiriza amabwiriza, rero kubareka ngo bakore ngo byaba ari nko kubareka ngo biyicye.
Avuga ko ibyo bikorwa bizemererwa gusubukura akazi hamazwe gukingira n’ibura 80 kw'ijana by’anyagihugu bakeneye inkingo mu gicye cya mbere. Kuva aho icyorezo cyagereye muri Uganda mu kwezi kwa gatatu k’umwaka ushize, Uganda yabonye abanduye Covid-19 basaga gato ibihumbi 41, kuri abo ibihumbi 40 baramaze kuvurwa bagakira, 337 ku banduye akaba baritabye Imana kandi 24 bonyine ni bo bakirimo kuvurwa ukurikije ministeri Ishinzwe amagara y’abantu mu gihugu.
Facebook Forum