Muri Biyelorusiya, abaturage basubiye na none mu myigaragambyo, basaba Perezida Alexandre Loukachenko kwegura. Imbaga y'abantu yigabije imihanda mu murwa mukuru Minsk no mu yindi mijyi itandukanye. Perezida Loukachenko arabita "ibikoresho by'Ibihugu by'uburengerazuba bw'isi."
Umukuru w'igihugu avuga ko abamurwanya bashobora gukurikiranwa n'inkiko. Polisi yataye muri yombi abantu barenga ibihumbi birindwi. Bamwe muri bo babarirwa mu magana bakomerekejwe n'amasasu, abandi batatu baguye mu myigaragambyo.
Urugomo rwa polisi ariko, aho guca intege rubanda, ahubwo rwatumye biyongera cyane kurushaho mu myigaragambyo. Abaturage ba Biyelorusiya bavuga ko umukuru w'igihugu yibye amajwi y'amatora yo ku italiki ya 9 y'uku kwezi. Barashaka ko ava ku butegetsi amazeho imyaka 26.
Facebook Forum