Uko wahagera

Mu Burusiya Polisi Yafashe Abigaragambya


Abigaragambya i Moscow, mu murwa mukuru w'Uburusiya

Polisi yo mu Burusiya yataye muri yombi abigaragambyaga biganjemo abanyapolitike batavuga rumwe n’ubutegetsi. Imyigaragambyo yabaye ku cyumweru yasabaga ko abakandida batavuga rumwe n’ubutegetsi nabo bashyirwa ku rupapuro rw’itora mu matora y’abayobozi mu migi ateganijwe mu kwezi kwa cyenda uyu mwaka.

Amatora yo mu kwezi kwa cyenda agamije gushaka abayobozi b’umugi wa Moscow umurwa mukuru n’indi migi.

Polisi yaje gutatanya abaturage bari mu cyo ubutegetsi bwise ikoraniro ritemewe n’amategeko.

Abantu barenga 1000 bari bakoraniye ahitwa Square nyuma yo guhererekanya ayo makuru ku mbuga nkoranyambaga. Abigaragambya berekeje ku biro by’umukuru w’umugi wa Moscow no ku cyicaro cy’akanama gashinzwe amatora.

Bamwe mu bigaragambya babwiye abapolisi ko badakwiriye gukoza isoni umwambaro wabo.

Umwe muri bo Lyubov Sobol, watawe muri yombi yatangaje ko agiye kwiyicisha inzara ashinja ubutegetsi bw’Uburusiya icyo yise ‘kwiba ejo ahazaza ha rubanda’ Hari n’abatangiye kuvuga amagambo asaba Perezida Vladimir Putin kwegura.

Abakurikiraniraga hafi iyo myigaragambyo baravuga ko abantu 38 batawe muri yombi bakuwe muri urwo rugendo rw’amahoro.

Facebook Forum

XS
SM
MD
LG