Uko wahagera

Mozambike: Umugambwe Renamo Urahakana Ibitero Wagirizwa


Bamwe mu banywanyi b'umugambwe Renamo

Ishyaka ritavuga rumwe n’ubutegetsi muri Mozambique rirahakana ibitero riregwa ko ryagabye ku muhanda wa gariyamoshi. Byahitanye abantu 10.

Abagabo bitwaje intwaro bateye imodoka za busi zari ku muhanda, n’amakamyo ku muhanda munini w’imodoka zihuta, mu majyaruguru zijya mu majyepfo. Zari zigeze hagati mu gihugu, ahiganje abatavuga rumwe n’ubutegetsi.

Guverinema mu cyumeru gishize, yatangaje ko ishobora gutegura itsinda ry’abasilikare bo guherekeza imodoka kuri uwo muhanda. Yamaganiye ibyo bitero kuri Renamo. Iri shyaka ryahoze ari umutwe w’inyeshyamba.

Cyakora umuyobozi wa Renamo, Ossufo Momade, mu kiganiro yagiranye n’abanyamakuru kuri uyu wa mbere, yashimagiye ko itsinda ayoboye ritigeze risubira mu bushyamirane bukoreshwamo intwaro. Momade yahamije ko abahoze ari abasilikare ba Renamo, badasohoka mu bigo byabo, muri iki gihe bategereje gusubizwa mu buzima busanzwe.

Yategeye guverinema gushyiraho komisiyo y’iperereza, yo kuzamenya inkomoko y’ibyo bitero n’ababikoze.

Ibyo bitero byabaye nyuma y’amatora rusange yo mu kwa 10, perezida Filipe Nyusi w’ishyaka FRELIMO, yegukanyemo intsinzi y’indi manda y’imyaka itanu.

Iryo tora ryateje ibibazo bikomeye ku masezerano y’amahoro hagati ya Frelimo na Renamo, intambara zayo mu 1976-1992 zisasiye miliyoni y’abantu.

Facebook Forum

XS
SM
MD
LG