Uko wahagera

Misiri: Ubwisanzure bw'Itangazamakuru Bugeze Ahatemba


Abanyamakuru bo mu Misiri bigaragambiriza ifatwa rya bagenzi babo mu murwa mukuru i Cairo

Imiryango iharanira uburenganzira bwa muntu ishinja Leta y’i Cairo gukoresha amategeko yo kurwanya iterabwoba nk’urwitwazo rwo gutoteza abanyamakuru n’impirimbanyi z’uburenganzira bwa muntu hamwe n’abatavuga rumwe n’ubutegetsi.

Leta ya Misiri yakajije umurego mu gutoteza abanyamakuru n’impirimbanyi z’uburenganzira bwa muntu. Ni ikibazo cyateye kwibaza uko uburenganzira bwo kwisanzura mu gutanga ibitekerezo buzaba buhagaze mu myaka iri imbere muri iki gihugu gikomeje kugana inzira y’igitugu uko iminsi ihita.

Imiryango iharanira uburenganzira bwa muntu ishinja Leta y’i Cairo gukoresha amategeko yo kurwanya iterabwoba nk’urwitwazo rwo gutoteza abanyamakuru n’impirimbanyi z’uburenganzira bwa muntu hamwe n’abatavuga rumwe n’ubutegetsi.

Mu cyumweru gishize inzego z’umutekano ziroshye mu biro by’igitangazamakuru cyitwa Mada Masr news, cyari muri bike bisigaye byigenga muri icyo gihugu. Icyo kinyamakuru cyari cyatangaje inkuru kuri Mahmoud el-Sisi umuhungu wa Perezida Abdel Fatah el-Sisi, uherutse gukurwa ku mwanya ukomeye mu iperereza ry’icyo gihugu yoherezwa mu Burusiya gushingwa ubufatanye mu bya gisirikare hagati y’ibihugu byombi.

Abashinzwe umutekano batwaye telephone na mudasobwa z’abanyamakuru b’icyo gitangazamakuru bata muri yombi abanyamakuru batatu Hamama Mohamed na Rana Mamdouh, n’umwanditsi mukuru wicyo kinyamakur Lina Attalah.

Facebook Forum

XS
SM
MD
LG