Uko wahagera

Ministri w’Intebe wa Sudani Abdalla Hamdok Yarusimbutse


Abdalla Hamdok

Ministri w’Intebe wa Sudani Abdalla Hamdok yarusimbutse nyuma y’igitero cyagabwe n’abatazwi ku modoka yari arimo kuri uyu wa Mbere. Abinyujije ku rubuga rwe rwa Twitter yavuze ko ameze neza kandi afite umutekano, abiherekeresha ifoto ye aseka.

Televiziyo ya Leta yavuze ko Abdalla Hamdok yari mu nzira yerekeza ku kazi imodoka ye n’iz’abari bamuherekeje ziraswaho ibisasu biturika. Nta wahise yigamba icyo gikorwa.

Televiziyo ya Leta yerekanye imodoka ebyiri mu zo abari bamuherekeje zashyanyagujwe n’icyo gisasu.

Umuyobozi w’ibiro bye Ali Bakhit yanditse ku rubuga rwa Facebook ko nta wakomeretse. Ambasade ya Leta zunze ubumwe z'America iri i Khartoum yavuze ko yababajwe n’icyo gitero.

Facebook Forum

XS
SM
MD
LG