Uko wahagera

Minisitiri w’Intebe wa Iraki Agiye Gusezera Kubera Imyigaragambyo


Adel Abdul-Mahdi

Minisitiri w’intebe wa Iraki Adel Abdul-Mahdi, avuga ko azageza ku nteko ishinga amategeko y’igihugu, ibaruwa isezera ku mirimo, biturutse ku byumweru by’imyigaragambyo yaguyemo abantu. Ariko, ntiyasobanuye igihe azasezerera.

Itangazo rya Abdul-Mahdi ryo kuri uyu wa gatanu, rije nyuma y’uko umuyobozi wo mu rwego rwo hejuru w’Abashiyite bo muri Iraki, ahamagariye impinduka mu buyobozi bw’igihugu. Abantu barenga 400 barishwe abandi amagana barakomeretse kuva imyigaragambyo yamagana guverinema itangiye kw’italiki ya 1 y’ukwezi kwa cumi.

Ingabo zishinzwe umutekano, zakoresheje amasasu mazima mu bigaragambyaga ejo ku wa kane, zica 40. Ni imwe mu minsi yaguyemo abantu benshi kuva imyigaragambyo irwanya guverinema itangiye mu kwezi gushize nk’uko abayobozi mu nzego z’umutekano n’ubuvuzi babivuga.

Iyo myigaragamyo isaba guverinema gusezerera ruswa n’icyo babona nk’ukwivanga kwa Irani mu bibazo bya Iraki, kurushaho kwiyongera.

Facebook Forum

XS
SM
MD
LG