Uko wahagera

Imyiyamamazo y'Amatora y'Umukuru w'Igihugu Yatangiye muri Malawi


Visi Prezida wa Malawi Saulos Chilima atanguza umugambwe wiwe UTM mu 2018.

Komisiyo ishinzwe amatora muri Malawi (MEC) yatangije ku mugaragaro ibikorwa byo kwiyamamaza ku bazajya mu matora rusange ateganijwe mu kwezi kwa gatanu uyu mwaka. Irasaba abantu bose kwirinda imvururu zishingiye kuri politike zikomeje kwiyongera muri icyo gihugu cyitegurira amatora.

Abahohoterwa muri izo mvururu ni abayoboke b’ishyaka ritavuga rumwe n’ubutegetsi. Abarwanashyaka ba Democratic Progressive Party (DPP) riri ku butegetsi muri Malawi ni bo bakekwaho kugirira nabi abatavuga rumwe na bo.

Ukwiyamamaza bizamara igihe cy’amezi abiri bisozwe ku ya 19 z’ukwa gatanu hasigaye iminsi ibiri ngo abaturage ba Malawi batore umukuru w’igihugu n’abagize Inteko ishinga amategeko. Hazanatorwa kandi abayobozi b’inzego z’ibanze n’abajyanama muri izo nzego.

Umuyobozi wa Komisiyo ishinzwe amatora muri Malawi, Jane Ansah yihanangirije abanyapolitike bo mu mashyaka yose ko bakwiriye kwirinda imvururu zishingiye kuri politike. Yavuze ko abarwanashyaka bazateza akaduruvayo mu gihe cyo kwiyamamaza bazakururira abakandida babo guhagarikwa mu matora.

Komisiyo ishinzwe amatora muri Malawi yasinyishije abakandida ku mwanya wa Perezida amasezerano agenga imyitwarire muri gihe cyo kwiyamamaza. Imitwe y’amashyaka na yo yemeye ko iziyamamaza mu mutuzo.

Facebook Forum

XS
SM
MD
LG