Uko wahagera

Malawi: Abatavuga Rumwe na Leta Bigaragambije


Abashyigikiye ishyaka Congress Party (MCP) rya Lazarus Chakwera utavuga rumwe n'ubutegetsi mu myigaragambyo mu murwa mukuru Lilongwe, Taliki 4/6/2019

Perezida wa Malawi Peter Mutharika, yaraye ashinje abatavuga rumwe n’ubutegetsi bwe gushaka guhirika leta bakoresheje ingufu. Bahakanye ibyavuye mu matora yabaye mu kwezi gushize.

Abashyigikiye Lazarus Chakwera ukuriye ishyaka rya Malawi Congress Party ritavuga rumwe n’ubutegetsi bemeza ko umukandida wabo yibwe amajwi mu matora yabaye ku italiki ya 21/5/2019.

Ibarura ry’amajwi ryagaragaje ko yarushijwe agera ku 159,000 gusa.

Chakwera yahakanye ibyavuye mu matora avuga ko ari ubujura bukozwe izuba riva. Kuva ubwo yerekeza mu rukiko agamije gutesha agaciro ibyavuye mu matora.

Ejo kuwa kane byabaye ngombwa ko Ambasaderi wa Leta Zunze Ubumwe z’Amerika muri Malawi akurwa ku biro by’ishyaka ritavuga rumwe n’ubutegetsi ikitaraganya ubwo polisi yari itangiye kumisha ibyuka biryani mu maso ku bigaragambya bari hafi aho.

Abashyigikiye ishyaka ritavuga rumwe n’ubutegetsi bakomeje imyigaragambyo mu mihanda y’ umurwa mukuru Lilongwe

Facebook Forum

XS
SM
MD
LG