Abarwanyi b’Abatalibani bahagaritse imirwano kuva taliki ya 24 z’uku kwezi mu rwego rwo kubahiriza igisibo cya Eid al-Fitr nkuko bitangazwa n’ubutegetsi. Leta na yo yasubije icyo gikorwa itangaza umugambi wo kurekura imfungwa za gisirikare 2000.
Umuvugizi w’Inama y’Igihugu y’Umutekano, Javid Faisal, yavuze ko uyu munsi harekurwa 900. Ku munsi w’ejo hari harekuwe abandi 100 mu gikorwa kigamije kwerekana ubushake bwo gukomeza inzira y’amahoro n’ibiganiro hagati y’impande zombi.
Mu kwezi kwa kabiri Leta y’Amerika n’umutwe w’Abataliban basinyanye amasezerano agamije kurangiza intambara. Ayo masezerano agaragaza ingengabihe y’ikurwa ry’ingabo z’Amerika muri Afuganistani n’iyubahirizwa rya bimwe mu bisabwa umutwe w’Abatalibani birebana n’umutekano.
Anavuga kandi ku irekurwa ry’Abarwanyi 5000 by’Abataliban, mu gihe uwo mutwe na wo usabwa kurekura imfungwa 1000 z’ingabo za Leta. Biramutse ari uko bigenze, byaba ari intango y’ibiganirohagati y’Abanyafuganistani ubwabo. Perezida Ashraf Ghani yatangaje ko yiteguye ibyo biganiro bishobora kurangiza intambara imaze imyaka hafi 20 muri icyo gihugu.
Facebook Forum