Uko wahagera

Kenya Yoba Igiye Gushiraho Umushikiranganji wa Mbere?


Perezida wa kenya Uhuru Kenyatta na Raila Odinga bigeze kuba bahanganye

Akanama kashyiriweho kugenzura no kunga impande zitavuga rumwe muri Kenya kamaze kuvuga ko hakwiriye kongerwa imyanya mu buyobozi bukuru bw’ubutegetsi bw’icyo gihugu.

Ako kanama kashyizweho nyuma y’ubushyamirane bwakurikiye amatora mu mwaka wa 2017, karavuga ko hakwiriye gushyirwaho umwanya wa Ministri w’Intebe hamwe n’indi myanya, hakongerwa amafaranga agenerwa intara kandi amafaranga akoreshwa na leta akagabanywa. Kemeza ko ibyo byarinda imvururu zishingiye ku matora.

Abanenga ibyavuzwe n’ako kanama baravuga ko imyanzuro yako igamije gusa guhaza inyota y’ubutegetsi ku banyapolitike bifuza imyanya no kwegera ibigega aho kuba inzira yo kurwanya ruswa mu nzego za Leta nk’urw’uburezi n’urw’ubuzima.

Aka kanama kashyizweho Perezida Uhuru Kenyata na Raila Odinga bari bahanganye bamaze kwiyunga nyuma y’imvururu zashyamiranije ababashyigikiye zakurikiye amatora muri icyo gihugu mu mwaka wa 2017 zigahitana abantu 100.

Facebook Forum

XS
SM
MD
LG