Uko wahagera

Joe Biden Yujuje Ibiteganijwe Kuba Perezida wa 46 w’Amerika


Joe Biden
<p>Kandida w&#39;ishyaka ry&#39;Abademokarate Joe Biden yarengeje amajwi amuha intsinzi yo kuyobora Leta zunze ubumwe z&#39;Amerika nka Perezida wa 46. Ibyo byagaragaye Biden yegukana amajwi 20 yo muri Leta ya Pennsylvania na 6 yo muri Nevada zari zigihatanirwa kugeza mu masaha ya nyuma ya saa sita yo kuri uyu munsi wa gatandatu taliki 7 ukwezi kwa 11 umwaka wa 2020.&nbsp; Ubu yose hamwe, Biden afite amajwi 279 kuri 214 ya Donald Trump.</p> <p>Joe Biden wahoze ari visi perezida w&#39;Amerika, wabaye muri politiki ya Washington imyaka hafi 50, atsinze itora rya perezida wa Leta zunze ubumwe z&rsquo;Amerika, yazarahira kw&rsquo;italiki ya 20 y&rsquo;ukwezi kwa mbere. Azaba abaye umuyobozi ukuze kurusha abandi mu myaka kugeza ubu Amerika igize.&nbsp;&nbsp;</p> <p>Biden, umudemokrate wabaye muri Sena y&rsquo;Amerika imyaka 36 akaba yaramaze imyaka umunani agwa mu ntege Perezida Barack Obama ubwo yari amubereye visi perezida, yari yakomeje kuvugwa n&rsquo;ibinyamakuru bitandukanye ko yatsinze perezida uri ku butegetsi Donald Trump w&rsquo;Umurepublikani mu bikorwa byo kwiyamamaza bitari byoroshye na nyuma y&rsquo;uko amajwi atangiye kubarurwa.</p> <p>Amajwi agikeneye kwemezwa ku mugaragaro, ashobora no kugezwa mu rukiko, biragaragara ko ashobora kuguma ari amwe.&nbsp;</p> <p>Joe Biden ku mwanya wa Perezida yegukana amajwi byibura 270 kuri 538 ya Koliji y&rsquo;Abatora.&nbsp;Intsinzi ya Biden, iratuma Trump aba perezida wa gatatu w&rsquo;Amerika utsinzwe manda ya kabiri mu myaka mirongo ine ishize nyuma yo kuyobora manda imwe rukumbi.&nbsp;&nbsp;</p> <p>Intsinzi ya Biden igezweho nyuma y&rsquo;iminsi mike, umunsi nyirizina w&rsquo;itora kuwa kabiri, leta zibarirwa muri mirongo, zibaruye amajwi ya miliyoni z&rsquo;abatoye bakoresheje iposita bashaka kwirinda ibiro by&rsquo;amatora kubera ubwoba bwo kuba bakwandura virusi ya corona.&nbsp;&nbsp;</p> <p>Biden azaba afite imyaka 78 ku munsi wo kwimikwa nka perezida wa Leta zunze ubumwe z&rsquo;Amerika nyuma yo kutabasha kubona umwanya wo guhagararira ishyaka ry&rsquo;Abademokarate mu 1988 no mu 2008 ubwo yabuze abamushyigikira bahagije.&nbsp;</p> <p>Ubu yazayobora Amerika, afatanyije na visi perezida bari kumwe mu bikorwa byo kwiyamamaza Senateri Kamala Harris wo muri Leta ya California. Ni umutegarugori wa mbere mu mateka y&rsquo;Amerika mu myaka 244 uzaba abaye visi perezida wa Leta Zunze Ubumwe z&rsquo;Amerika. Avuka ku Mujamaika n&rsquo;Umuhindekazi. Ni nawe mugore w&rsquo;umwirabura wa mbere wabonye itike muri politiki y&rsquo;Amerika ku mwanya wa visi perezida.&nbsp;</p> <p>&nbsp;</p>

Facebook Forum

XS
SM
MD
LG