Ivy'Itunganywa ry'Amatora ya Aljeriya Biracari Ubupfindo

Umukuru w’igisirikare mu gihugu ca Aljeriya yatangaje ko amatora ariyo yonyene ashobora gukura igihugu mu kajagari ka politike.

Lieutenant- General Ahmed Gael Salah, uyu musi ku wa mbere yateye kandi akamo gasaba gushiraho bidatevye umurwi ujejwe gutunganya amatora, ariko ntiyatangaje igihe amatora azobera.

Amatora y’umukuru w’igihugu ategekanijwe kw’igenekerezo rya 4 ry’ukwezi kw’indwi, yamara ku musi wa gatanu hari umutegetsi yatangaje ko ayo matora ashobora kwegezwa inyuma.