Uko wahagera

Iraq Yababajwe n'uko Amerika Yakomanyirije Faleh al-Fayyad


Ministeri y'imali muri Amerika niyo yafatiye Faleh al-Fayyad ibihano

Iraq yatangaje kuri uyu wa gatandatu ko icyemezo cy'Amerika cyo gukomanyiriza umuyobozi w'ihuriro ry'umutwe witwara gisirikare w'Abashi'ite ushyigikiye leta "kitakwihanganirwa".

Kuwa gatanu Amerika yafatiye ibihano Faleh al-Fayyad, umuyobozi w'umutwe witwara gisirikare wa Popular Mobilization Forces (PMF).

Amerika iramushinja kwica arashe bantu babarirwa mu magana bari mu myigaragambyo mu mwaka wa 2019. Iravuga ko yari afatanije n'umutwe udasanzwe w'igisirikare cyo muri Irani.

Ministeri y'ububanyi n'amahanga ya Iraq yatangaje ko icyo cyemezo cyaje gitunguranye kandi kitakwihanganirwa. Itangazo yashyizeho umukono rivuga ko izakomeza kubikurikirana n'ubushishozi mu butegetsi buriho muri iki gihe n'ubushya bugiye kujyaho muri Amerika.

Iraq ifitanye umubano n'Amerika ariko ikanawugirana na Iran. Kuva Saddam Hussein wayoboraga icyo gihugu yava ku butegetsi, ibyo bihugu byombi byahirimbaniye kwigrarurira ijambo muri Iraq.

Byombi byahaye icyo gihugu ibikoresho byo kurwanya ingabo zishyigikiye leta ya cy'isilamu kuva mu mwaka wa 2014 kugeza muri 2017.

Amerika iracyafite ingabo zayo muri Iraq mu gihe irani igishyigikiye umutwe wa PMF. Hashize umwaka Amerika yivuganye Abu Mahdi al-Muhandis wasimbuwe na Fayyad ku buyobozi bw'uwo mutwe. Yarasiwe ku kibuga cy'indege cya Baghdad ari kumwe na Qassem Soleimani, umwe mu bayobozi bakuru mu gisirikare cya Irani.

Facebook Forum

XS
SM
MD
LG