Uko wahagera

Irani Yanse Inkingo za Covid-19 Zakozwe na USA n'Ubwongereza


Uyu munsi kuwa gatanu, umuyobozi mukuru wa Irani, Ayatollah Ali Khamenei, yabujie guverinema gutumiza inkingo za COVID-19, muri Leta zunze ubumwe z’Amerika no mu Bwongereza. Yasobanuye ko ibihugu byo mu burengerazuba bw’isi “atari ibyo kwizerwa”. Ni mu gihe ubwandu bwa virusi ya corona bukwirakwira muri icyo gihugu cya Irani cyazahaye cyane kurusha ibindi mu burasirazuba bwo hagati.

Mw’ijambo yavugiye kuri televisiyo, umuyobozi wa Irani yabaye nk’uwumvikanisha ko Amerika n’Ubwongereza bimaze igihe bidacana uwaka n’igihugu ke, byaba bishaka gukwirakwiza ubwandu mu bindi bihugu.

Cyakora, yongeyeho ko Irani ishobora kwakira inkingo ziva “ahandi hantu hizewe”. Nta bisobanuro birenzeho yatanze, ariko Ubushinwa n’Uburusiya, byombi ni incuti za Irani.

Irani yatangiye kugerageza, urukingo rwayo rwa mbere rwa COVID-19 rwakorewe imbere mu gihugu, ku bantu babihisemo, mu mpera z’ukwezi gushize, ivuga ko bishobora kuzafasha iki gihugu kurwanya icyorezo, n’ubwo Amerika yagifatiye ibihano, bigira ingaruka ku bushobozi bwacyo bwo gutumiza inkingo mu mahanga.

Umuyobozi wa Irani avuga ko igihugu cye kidashishikajwe n’uko Amerika yihutira gusubira mu masezerano ariko ko ibihano cyafatiwe muri 2018, bigomba guhita bikurwaho.

Facebook Forum

XS
SM
MD
LG