Uko wahagera

Umucanwa mu Bitaro vy'Abarwayi ba Corona Wahitanye 82 muri Iraki


Ibitaro vyabereyemwo insanganya muri Iraki

Umucanwa watewe n’urugunguru rwarimwo umwuka wa Oxygen mu bitaro biri I Baghdad ku murwa mukuru wa Iraki wahitanye abantu 82, ukomeretsa abegera ku 110.

Umwe mu bari baje gusuhuza mwene wabo yari arwariye muri ivyo bitaro yabwiye itororokanirizo ry’amakuru y’Abongereza, Reuters, ko vyari biteye ubwoba: "Abagwaza bacanacanako bagerageza gukiza ababo, abandi nabo bakibako baca mu madirisha ngo bakize ayabo mu gihe hari abo bitakunda ko birwanako".

Umushikiranganji wa mbere wa Iraki, Mustafa al-Kadhimi, mw’itangazo yasohoye yategetse ko hakorwa amatohoza yihuta, abategetsi b’ivyo bitaro, abajejwe ivyuma n’umutekano bagatabwa muri yompi mu kurundira ico amatohoza avamwo. Uwo mutegetsi yagize ati: “Insanganya nk'iri ryerekana ugufata minenerwe kw’ibintu, amatohoza nakorwe bidatevye, hama uwo birwako ahanwe vy’akarorero”

Ibitaro vyitwa Ibn Khatib vyabereyemwo iyi sanganya biri mu vyari biheruka gutoranwa ngo abe ari vyo vyakira abarwayi ba Covid-19. Abarokotse baciye bajanwa kuba baravurirwa mu bindi bitaro nkuko ubuyobozi bwavyo bubitangaza.

Ubushikiranganji bujejwe intwaro yo hagatai muri ico gihugu nabwo bwavuze ko bugiye gusubiramwo amabwirizwa yo gucungera umutekano mu bitaro vyose.

  • 16x9 Image

    Diane Nininahazwe

    Diane Nininahazwe akorera igisata c'Ikirundi n'Ikinyarwanda kuva mu 2015. Imbere yo gutangura gukorera ku cicaro gikuru i Washington-DC nk'umumenyeshamakuru n'uwushinzwe imbuga ngurukanabumenyi z'ico gisata (Digital Lead), yakoreye Ijwi ry'Amerika mu Burundi, i Buraya ku murwa mukuru w'Ubudagi i Berlin, no mu gisagara ca Los Angeles muri Reta ya California iri mu mu burengero bushira ubumanuko bw'Amerika. Umwuga wo kumenyesha amakuru yawutanguye mu 2004 aho yakoreye ibimenyeshamakuru bitandukanye birimwo iradiyo yigenga Bonesha Fm n'ikimenyeshamakuru c'Abafaransa, Le Point Afrique. Imbere yo gukorera Ijwi ry'Amerika, Nininahazwe yakora ibiganiro vy'amashirahamwe yigenga arimwo iryo mu Buholande, La Benevolencija, iry'Abanyamerika, PSI, iry'Abadagi, EIREN, na CED-Caritas Burundi. Kuva mu 2011, ari mu murwi w'abamenyeshamakuru igisata ca ONU kiraba ivy'ubutunzi, UNECA, gikoresha nk'abigenga mu gukurikirana amanama mpuzamakungu ku vy'ihindagurika ry'ibihe n'iterambere rirama. Afise impamyabushobozi ya kaminuza mu gisata co kumenyesha amakuru mu bijanye n'iterambere (Communication Pour le Développement), n'urupapuro mu vy'umwuga wo kumenyesha amakuru muri rusangi (Multimedia Journalism). Amaze gutahukana ubushimwe butandukanye mu vy'ukumenyesha amakuru burimwo bubiri mpuzamakungu.

Facebook Forum

XS
SM
MD
LG