Uko wahagera

Ingabo za Misiri Zishe 14 Bakekwaga Kuba Abarwanyi


Ikarata y'ahaherereye akarere ka El-Arish

Ingabo za Misiri zishe abantu 14 bakekwaga kuba abarwanyi. Hari mu mukwabu wakozwe mu kigobe cya Sinai nk’igisubizo ku gitero cyaguyemo abantu kuri bariyeri nk’uko abategetsi babivuga.

Umutwe wa Leta ya kiyisilamu wigambye icyo gitero cy’ejo kuwa gatatu. Cyahitanye abapolisi umunani mu majyepfo ashyira uburengerazuba bw’umurwa mukuru w’amajyaruguru ya Sinai, El-Arish. Abarwanyi batanu nabo biciwe mw’ihererekanywa ry’amasasu.

Abandi bakekwaho kuba abarwanyi barirutse mbere y’uko ingabo zishinzwe umutekano zitangiye kubahiga zikicamo 14. Byavuzwe mw’itangazo rya minisitiri w’ubutegetsi bw’igihugu.

Iryo tangazo ryongeraho ko ingabo zishinzwe umutekano zabanje kugota abakekwaga kuba abarwanyi mbere yo gutangira kurasa. Banafashe impunda 14, ibikoresho 3 byo guteza ibisasu, hamwe n’imikandara 2 y’ibisasu bituruka, abo bakekwa bari bafite.

Amafoto yabo bishwe yakwirakwijwe aherekejwe n’iryo tangazo. Amakuru aturuka mu rwego rw’ubuvuzi, yohererejwe ibiro ntaramakuru by’abafaransa AFP, yariho urutonde rw’abasilikare umunani bishwe.

Ushinzwe utumanaho mu bashinzwe umutekano utarashatse ko amazina ye atangazwa yahamije ayo makuru, yavuze ko indege ya gisilikare yashwanyagujwe kandi ko n’ikamyo ya gisilikare yatwawe n’umurwanyi mu gihe cy’umukwabu.

Facebook Forum

XS
SM
MD
LG