Imyigaragambyo Yeguje Minisitiri w’Intebe wa Yordania

Minisitiri w’intebe wa Yordaniya, Hani Mulki, yeguye ku milimo ye uyu munsi. Intandaro ni imyigaragambyo ikomeye imaze iminsi mu murwa mukuru Amman no mu yindi mijyi itandukanye.

Abaturage barwanya amategeko mashya azamura ibiciro n’imisoro. Baba basakuza ngo “uzamuye ibiciro aba ashaka gutwika igihugu.” Ni ubwa mbere mu myaka itanu ishize Yordaniya ibayemo imyigaragambyo ikomeye.

Umwami Abdallah II yasabye guverinoma n’inteko ishinga amategeko kuganira n’abaturage ku itegeko ry’imisoro mishya. Ati: "Umuturage ntakwiye kwirengera wenyine umutwaro w’ivugurura ry’imisoro."

Itegeko ryatumye minisitiri w’intebe wa Yordania, Hani Mulki, yegura rizamuraho 5% imisoro y’abantu ku giti cyabo, no hagati ya 20% na 40% imisoro y’ibigo by’ubucuruzi.