Uko wahagera

Imyigaragambyo y'Abakozi Irakomeje mu Bufaransa


Abari mu myigaragambyo

Hirya no hino mu gihugu cy’Ubufransa abakozi bahamagariwe na za sendika zabo kutajya mu kazi. Ni mu rwego rwo kwamagana amavugururwa leta iteganya gutangiza mu guteganyiriza izabukuru.

Ni amavugurwa yatangajwe na Perezida Emmanuel Macron azatuma Abafransa benshi bakora igihe kinini kirenze icyo basanzwe bakora. Iyo myigaragambyo yatumye servisi nyinshi zihagarara. Zirimo izo gutwara abantu n’ibintu, amashuli, ibitaro n’ibikorwa bya leta bitandukanye.

Uduce dusurwa cyane n’abamukerarugendo turimo umunara wa Eiffel natwo turafunzwe. Abayobozi ba za sendika z’Abakozi bavuze ko biteguye gukomeza iyo myigaragambyo kugeza perezida Macron yisubiyeho.

Nta byinshi guverinema iravuga kuri icyo cyemezo. Gusa ibiro by’umukuru w’igihugu byavuze ko biteganyijwe ko ministiri w’intebe Edouard Philippe azasobanurira igihugu neza ibikubiye muri icyo cyemezo mu cyumweru gitaha.

Umuyobozi wa polisi mu mujyi wa Paris Didier Lallement yavuze ko yahamagaje abapolisi hafi 6,000 mu gihe iyo myigaragambyo yaramuka ibayemo imvururu.

Facebook Forum

XS
SM
MD
LG