Uko wahagera

Imvura y’Imyuzure Yahitanye Abarenga 100 muri Afuganistani


Imvura y’imyuzure yahitanye abarenga 100 ikomeretsa ababa 100 muri Afuganistani. Iyo mvura yabangamiye intara ya Parwan iri mu buraruko bw’umurwa mukuru, Kabul, yaguye mu bucagucagu bw’uno wa gatatu.

Abategetsi batanga ivyo bitigiri bagabisha ko abo yahitanye bashobora kwiyongera kuko hari abakirondezwa: Bavuze ko amazu aharurwa mu majana yasenyagurutse, bagakeka ko hari abo yasenyukiyeko batarashobora kubona.

Abicishije ku rubuga rwiwe rwa Twitter, perezida wa Afuganistani Ashraf Ghani yahojeje imiryango yabuze yongera ategeka ko abari mu karere kasinzikaye bagarukirwa.

Abajejwe igisata c'ihindagurika ry’ibihe muri Afuganistani bavuga ko muri ano mezi atanu aheze, imvura imaze guhitana abarenga 300 ikura mu vyabo ibihumbi n’ibihumbi. Abo bakaba baje biyongera ku bandi ibihumbi birenga ijana bateshejwe izabo n’intambara.

Facebook Forum

XS
SM
MD
LG