Uko wahagera

Impande Zose Zirwanira muri Tigreya Zagirizwa Ubwicanyi Bukabije


Umwe mu bapfasoni bateshejwe izabo n'intambara yo mu ntara ya Tigreya

Umuryango w'Abibumbye na Etiyopiya batangaza ko impande zose zirwana mu ntambara ya Tigreya zikora ubwicanyi bukabije. Mu cyegeranyo bakoranye, ishami rya ONU rishinzwe uburenganzira bwa muntu na komisiyo ya leta ya Etiyopiya y'uburenganzira bwa muntu bavuga ko ubwicanyi impande zombi zikora bushobora kwitwa ibyaha by'intambara n'ibyaha byibasira inyokomuntu.

Iki cyegeranyo kireba ibyabaye kuva mu kwezi kwa 11 k'umwaka ushize kugera mu kwezi kwa gatandatu k'uyu mwaka. Mu byo kirega abasilikare ba leta ya Etiyopiya, Eritreya, Tigreya, n'Amhara harimo gufata abagore ku ngufu, gutema ibihimba by'umubiri, kwica inzirakarengane z'abasivili n'impunzi.

Minisitiri w'intebe wa Etiyopiya, Ahmed Abiy, yatangaje ko agiye gushyiraho akanama k'abasivili n'abasilikare kazakora anketi ku birego by'iyi raporo. Naho TPLF, umutwe wa politiki na gisilikali wari ku butegetsi muri Tigreya urwana na leta ya Etiyopiya, watangaje ko raporo ituzuye kuko abayikoze batabashije kugera mu duce tumwe na tumwe turimo intambara.

Facebook Forum

XS
SM
MD
LG