Uko wahagera

Imirwano Irakaze Hagati ya Leta ya Kiyisilamu n'Abatalibani


Abatalibani bitwaje Ibirwanisho

Imirwano ikaze irakomeje hagati y’Abatalibani n’abarwanyi b’umutwe w’iterabwoba wa Leta ya Kiyisilamu mu burasirazuba bwa Afuganisitani. Iyo mirwano imaze guhitana no gukomeretsa abarwanyi benshi ku mpande zombi.

Iyo mirwano yatangiye mu ntangiriro z’iki cyumweru mu karere ka Khogyani mu ntara ya Nangarhar nyuma yuko abarwanyi ba Leta ya Kiyisilamu bagabye ibitero mu duce tugenzurwa n’Abatalibani.

Iyo mirwano yatumye abantu benshi bata amago yabo. Amakuru y’iyo mirwano amaze kwemezwa n’umuvugizi w’ingabo z’igihugu muri ako karere mu kiganiro yagiranye n’Ijwi ry’Amerika. Yavuze ko ibyo bitero bimaze guhitana abayobozi babiri b’Abatalibani.

Avugana n’Ijwi ry’Amerika, umuvugizi w’Abatalibani yahakanye amakuru y’iyo mirwano avuga ko ahubwo bari mu mirwano n’ingabo za leta. Yavuze ko nta barwanyi ba Leta ya Kiyisilamu babarizwa muri ako karere.

Abayobozi muri Afuganisitani bavuze kandi ko Leta ya Kiyisilamu ikomeje kongera ibikorwa byayo mu zindi ntara z’igihugu ziganjemo intara z’amajyarugu. Ayo makuru yanashimangiwe n’umuyobozi w’ingabo za Leta zunze ubumwe z’Amerika muri Afuganistani.

Ku nshuro ya mbere Jenerali John Nicholson yavuze ko hamaze iminsi higaragaza ibikorwa bya Leta ya Kiyisilamu mu ntara ya Jowzjan ihana imbibe n’igihugu cya Turkmenistan.

Facebook Forum

XS
SM
MD
LG