Bombe yaturikirijwe hanze y’umusigiti mukuru wo ku murwa mukuru wa Afuganistani, Kabul, yahitanye abanyagihugu benshi. Zabihullah Mujahid avugira abatalibani yatangaje ano makuru naho yavuze ko abenshi baguye muri ico gitero, ntiyigeze atomora igitigiri nyaco c’abashengeye n’abakomeretse.
Itororokanirizo ry’amakuru y’abanyamerika, AP, ryatangaje ko bisa nkaho cakozwe ku bari baje gusabira nyina wa Mujahid aheruka kwitaba Imana. Ku musigiti cagabweko, hari hariyo n’abandi bategetsi b’abatalibani. Kugeza ino saha, nta n’umwe ariyitirira ico gitero.
Igitero c’uno wa Mungu ni co ca mbere gikomeye kibaye i Kabul inyuma y’icagabwe mu kwezi kw’umunani, mu micungararo y’ikibuga c’indege kigahitana abagera ku 200 barimwo abasirikare b’Amerika 13.
Facebook Forum