Uko wahagera

Igitero c'Abataramenyekana Cahitanye Abasirikare 3 muri Cote d'Ivoire


Bamwe mu ba Polisi ba Cote d'Ivoire
Bamwe mu ba Polisi ba Cote d'Ivoire

Muri Cote d'Ivoire, igitero cy'abantu bataramenywa cyahitanye abasirikari batatu mu majyaruguru y'igihugu, hafi y'umupaka wa Burkina Faso. Igitero cyabaye mu gitondo ku kigo cya gisirikari cya Kafolo.

Usibye abasirikari batatu bakiguyemo, abandi barindwi bakomeretse. Igisirikari cya Cote d'Ivoire kivuga nacyo ko kivuganye babiri, gita no muri yombi bane, mu bagabye igitero.

Ntawe urakiyitirira, ariko bamwe mu basilikali bo hejuru ba Cote d'Ivoire bavuga ko cyaturutse muri Burkina Faso. Mu kwezi kwa gatandatu k'umwaka ushize, ikigo cya gisirikari cya Kafolo nabwo cyaratewe, abasirikari ba Cote d'Ivoire 13 baricwa, abandi benshi barakomereka.

Icyo gihe, minisiteri y'ingabo ya Cote d'Ivoire yatangaje ko iki gitero cyakozwe n'intagondwa za kislamu. Akarere ka Kafolo kegeranye n'ibice bya Burkina Faso na Mali birimo imitwe ishamikiye kuri al-Qaida n'Umutwe wa Leta ya Kislamu.

Facebook Forum

XS
SM
MD
LG