Uko wahagera

Igisasu Cyahitanye 6 Gikomeretsa 16 muri Afghanistani


Abasirikare ba Afuganistani bakizura ahaherutse kubera ikindi gitero i Kabul

Igipolisi cyo muri Afghanistani kiravuga ko abiyahuzi baturikirije igisasu hafi y’ishuri rya gisirikare mu murwa mukuru wa Khabul kigahitana abashinzwe umutekano 6 kigakomeretsa abantu 16.

Ministeri y’umutekano mu gihugu yemeje ko icyo gisasu cyaturikiye ku rwinjiriro rwa kaminuza ya gisirikare yitwa Marshall Fahim ariko nta byinshi yabivuzeho. Ibitero nk’ibi bikomeje mu murwa wa Kabul bimaze guhitana abantu benshi barimo abashakashatsi b’abislamu.

Hagati aho, ingabo za leta muri Afghanistani zateye gereza aba Taliban bafungiramo abantu zibohora abantu 18 barimo abashinzwe umutekano 12. Abaharanira leta ya kiyisilamu mu ntara ya Khorasan bigambye ko ari bo baturikije icyo gisasu.

Ibi bibaye mu gihe hakomeje imirwano hagati y’ingabo zishyigikiwe na Leta Zunze Ubumwe z’Amerika n’abarwanyi b’aba Taliban muri Afghanistani.

Ibiro bishinzwe iperereza muri Afghanistani biravuga ko ingabo za leta zishe abarwanyi 60 b’aba Talibani mu bitero by’indege n’ibyabarwanira ku butaka byagabwe mu ijoro ryakeye. Abarwanya ubutegetsi bo barabihakana bakavuga ko ari amagambo ko hapfuye abarwanyi b’aba Taliban 3 hagakomereka 8.

Facebook Forum

XS
SM
MD
LG