Abategetsi mu majyaruru ya Burkina Faso, bavuze ko abantu 29 biciwe mu bitero bibiri bitandakanye ejo ku cyumweru. Umuvugizi wa guverinema Remis Dandjinou, yabivuze mw’itangazo, ko abantu 15 bishwe ubwo ikamyo yari ibatwaye irimo n’ibicuruzwa, yanyuze hejuru y’igisasu mu karerea ka Barsalogho.
Uwo muvugizi wa guverinema yanavuze ko 14 bishwe ubwo amakamyo yarimo ibiribwa, yagabwagaho igitero mu ntara ya Sanmatenga.
Ibiro ntaramakuru by’Abafaransa, AFP, byatangaje amakuru atururuka mu bahatuye, ko abenshi mu bapfuye barimo abashoferi b’izo modoka. Zari zishyiriye ibiribwa abakuwe mu byabo n’imirwano.
Miliyoni z’abantu muri Burukina Faso, bari mu bihe bikomereye ikiremwa muntu, kubera ko bugarijwe n’ibibazo bikomeye by’inzara, umutekamo muke no kuba barakuwe mu byabo n’imirwano. Ibi biherutse kuvugwa n’ishami rya ONU ryita ku biribwa PAM riburira.
ONU ivuga ko ubushyamirane bwafashe intera. Imwe mu mirwano yenyegezwa n’ibibazo bishingiye ku moko no ku myemerere. Yatumye abantu barenga 237,000 bata ingo zabo.
Intangondwa za kiyisilamu zakunze kugaba ibitero ku ngabo za Burkina Faso.
Facebook Forum