Uko wahagera

Ibiganiro Hagati y'Abatalibani n'Amerika kw'Irekurwa ry’Imfungwa


Intumwa idasanzwe y'Amerika muri Afghanistani, Zalmay Khalilzad n'Umwe mu bashinze umuhari w'Abatalibani Mullah Abdul Ghani Baradar. Bahejeje gusinya amasezerano y'amahoro i Doha muri Qatar. Kw'italili 29/02/2020.

Umutwe w’Abatalibani muri Afuganistani kuri uyu wa kabiri wavuze ko ugiye kuganira n’Amerika ku byerekeye irekurwa ry’imfungwa. Ibyo babitangaje nyuma yo gutanga amabwiriza yo kuva mu cyo bise "Ibiganiro bitagira icyo bigeraho" bagiranaga na Leta y’Afuganistani.

Irekurwa ry’imfungwa z’Abatalibani zigera ku 5,000 ryari muri kimwe mu byemeranyijweho mu masezerano hagati ya Leta zunze ubumwe z’Amerika n’Abatalibani mu kwezi kwa kabiri.

Umuvugizi w’Abataliban mu bya politike Suhail Shaheen yabwiye Ijwi ry’Amerika ko bateganya kwibutsa Amerika amasezerano bagiranye, bayubahiriza ibiganiro na Leta bikabona gukomeza, bitaba ibyo byose bigahagarara. Arashinja ubutegetsi bwa Ashraf Ghani kutubahiriza ibyemeranijweho ko mu kwezi gushize ku italiki 31 z’ukwa gatatu impande zombi zagombaga kurekura imfungwa.

Gusa Leta y’Afuganistani yo ivuga ko Abatalibani ari bo batindije iby’iryo rekurwa. Yemeza ko mu ikubitiro yari yiteguye kurekura imfungwa z’Abatalibani 400 ariko ubuyobozi bwabo bugasaba ko babanza kurekura abayobozi babo ba gisirikare 15 bagize uruhare mu igabwa ry’ibitero bitandukanye. Abatalibani bakeka ko ubuzima bw’abo bayobozi buri mu kaga.

Facebook Forum

XS
SM
MD
LG