Uko wahagera

I Mogadishu 10 Bahitanywe na Bombe 23 Barakomereka


Igisasu cyaturikiye i Mogadishu

Abantu icumi bishwe abandi barenga 23 barakomereka ubwo bombe yatezwe mu modoka yaturikiraga kuri uyu wa gatandatu mu muhanda ubamo imodoka nyinshi i Mogadishu. Bivugwa n’ababyiboneye n’amaso hamwe na servise z’ubuvuzi.

Iyo bombe yatezwe mu modoka yaturikiye ku muhanda w’i Maka al-Mukarama hafi y’inteko ishingamategeko, ubwo abasilikare bashinzwe umutekano bageragezaga kuyihagarika ngo bayisake. Abarwanyi b’umutwe wa al-Shabab bahise bigamba icyo gitero.

Nyuma Aden Mohamed, umutegetsi ushinzwe umutekano yabwiye Ijwi ry’Amerika ko umushoferi w’iyo modoka yanze kumvira, aburiwe n’abashinzwe umutekano ko bashobora kuyirasa, ahubwo ayiha umuriro yinjirana ingufu muri bariyeri yariho abarinda perezida mbere y’uko bombe iturika.

Umunyamakuru w’Ijwi ry’Amerika, yabonye imirambo byibura irindwi. Yanabonye inkomere nyinshi zijyanywe n’imodoka zitwara abarwayi. Ibitaro nabyo byemeje ko abandi bantu byibura batatu bahitanywe n’ibikomere.

Uwo munyamakuru yanavuze ko amazu yegereye aho bombe yaturikiye yangiritse cyane harimo n’ayasenywe n’icyo gisasu cyohereje ibyotsi byinshi mu kirere.

Indi bombe yaturikiye hafi y’ikibuga cy’indege cy’i Mogadishu. Abashinzwe umutekano bari bamaze kuyihagarika bakuramo umushoferi, nibwo igisasu cyaturitse.

Facebook Forum

XS
SM
MD
LG