Uko wahagera

HCR: Urugomo Ruheruka muri Burukina Faso Rwangaje Ibihumbi


Umwe mu miduga yatuririwe mu rugomo muri Burkina Faso

Ishami rya ONU ryita ku mpunzi HCR, rivuga ko urugomo ruheruka muri Burukina Faso rwaguyemo abantu babarirwa muri mirongo, abandi ibihumbi bagata izabo, bakiza amagara yabo. HCR inavuga ko abo biyongera ku bari baravuye mu byabo imbere muri icyo gihugu cyo mu burengerazuba bw’Afurika.

Mu minsi icumi ishize, HCR ivuga ko ibitero by’imitwe itaramenyekanye yitwaje intwaro, byatwaye ubuzima bw’abantu 45 kandi ko byakuye abandi 17,500 mu ngo zabo.

HCR itangaza ko abagabo bafite imbunda boyogoje uturere dutatu, batwika amazu arakongoka, bararasa kandi bica abasivili. Iryo shami rya ONU rinavuga ko abo, basahuye ibigo ndera buzima, banangiza amazu n’amaduka.

Umuvugizi wa HCR, Boris Cheshirkov, avuga ko atazi imbarutso y’ibyo bitero biheruka kuba. Ariko ko ikigaragara ari uko, imwe mu mpamvu ari kubuza uburyo no gukura umutima abasivili, ubu bigaragara, atari muri Burukina Faso gusa, ahubwo no mu karere kose ka Saheli muri iyi myaka ibi iri ishize.

Miliyoni zirenga eshatu z’abantu bavuye mu byabo muri ako karere. Umutekano muke n’urugomo rwubuye muri Burukina Faso, ahanini rwamaganirwa ku nyeshyamba za kiyisilamu, rwatumye abantu barenga miliyoni imwe n’ibihumbi 140 bata ingo zabo bashakisha ahaba hari umutekano muri iyi myaka ibiri ishize.

Cheshirkov avuga ko abakozi batanga infashanyo, barimo kwandika abantu bashya bahunga kandi babahumuriza bakanabaha amacumbi. Yongeraho ko ibikenewe ari byinshi kandi ko amafaranga ari make kugira ngo uwo murimo ubashe gukorwa uko bikwiye. Avuga ko HCR yabonye 22 kw’ijana gusa bya miliyoni 91 na miliyoni 600 z’amadolari yari yasabye mu bikorwa byo kurengera ubuzima muri uyu mwaka.

Facebook Forum

XS
SM
MD
LG