Muri Ghana, abantu 13 bapfuye abandi benshi barakomereka ubwo ikamyo itwaye intambi ziturikirizwa mu birombe bya zahabu yashwanyukiraga mu rusisiro rwo mu giturage cy'ahitwa Apiate mu birometero 200 uvuye mu murwa mukuru Accra nkuko bitangazwa na polisi yo muri icyo gihugu.
Umunyamakuru w'ibiro ntaramakuru by'Abongereza, Reuters ukorera muri ako gace avuga ko ibisate by'imbaho n'ibyuma byasigaye binyanyagiye ahahoze amazu yashwanyaguritse. Abakozi bashinzwe ubutabazi baragerageza gushakisha ko hari abo bashobora kurokora.
Icyateye iyo modoka guturika ntikiramenyekana neza. Polisi yavuze ko imodoka yari itwaye izo ntambi yagonganye na moto ariko itangazo ryasohowe na leta rikavuga ko ibyuma by'amashanyarazi byari hafi aho byagize uruhare muri ako kaga.
Reuters.
Facebook Forum