Uko wahagera

Ghana: Ibipimo vya COVID-19 Bitwarwa n'Utudege Tutagira Umudereva


Akadege ko mu bwoko bwa drone
Akadege ko mu bwoko bwa drone

COVID-19 indwara iterwa na virusi ya corona, yatumye Ghana ivugurura urwego rw’ubuvuzi mu gihugu. Muri iki cyumweru, guverinema yarahiriye kwubaka ibitaro bishya bibarirwa muri mirongo mu mpande zose z’icyo gihugu giherereye mu burengerazuba bw’Afurika.

Tekinoloji nshya irimo kugira uruhare runini. Isosiyeti Zipline ifite icyicaro mu majyaruguru ya leta ya California muri Amerika mu karere kiganjemo ibya tekinoloji kiswe The Silicon Valley, irimo gukoresha za drone mu kugeza ibipimo by’abarwayi baketsweho virusi ya Corona muri labolatwari mu mijyi minini y’igihugu cya Ghana, kugira ngo guverinema icungire hafi kandi ku buryo bwihuse, ikwirakwira rya COVID-19. Zipline ikura ibyo bipimo mu bice by’icyaro. Inatwara ibindi bikoresho bikenewe byo mu buvuzi.

Perezida wa Ghana, Nana Akufo-Addo, mw’ijambo yavugiye kuri televiziyo abwira abanyagihugu mw’ijoro ryo ku cyumweru, yavuze ko virusi ya corona yashyize ahagaragara ibibura mu rwego rw’ubuvuzi, bitewe no kuba rutaritaweho kandi hakaba hashize imyaka nta mafaranga ahagije ashorwamo.

Yarahiye gushyira amafaranga menshi mu bijyanye n’ubuvuzi no kwubaka ibitaro bifite ibitanda bigera kw’ijana mu gihugu hose. Muri Ghana hamaze kwemezwa abantu 1 617 banduye virusi ya corona. Hapfuye 16.

Facebook Forum

XS
SM
MD
LG